يا قبر أعز إنسان غالي رقد فيـك :: خفف عليه من التـراب الثقيلـي
يا قبر ماني طيب عقـب راعيـك :: اللي رعاني صـار عنـدك نزيلـي
أغليك أنا يا قبر من حب راعيـك :: مرحوم يا راعي الوفـا والجميلـي
ياللي سكنت القبر صوتي يناديـك :: موتك جرح قلبي وهديـت حيلـي
ما أنساك والله لين قبري يوازيـك :: وأعلن من الدنيا العريضه رحيلـي
وأمـوت كـل مـا حـل طاريـك :: كنت أفتكر عمرك معانـا طويلـي
يبكي عليك البيت من عرض أهاليك :: لي دخلت البيـت دمعـي يسيلـي
م ن ق و ل
إلى من سكن التراب ..
ربي يرحمهم ويغفر لهم ويوسع عليهم القبر ويجعله رووووضه من ريااااض الجنه ويرزقهم الفردوس الاعلى ..
ويرحم كل موتى المسلمين ويجمعنا وياهم في الجنه
موضوع: **يا قبر أعز إنسان غالي رقد فيـك** 
الأربعاء نوفمبر 05, 2008 5:20 pm
